Ashingiye ku bubasha ahabwa n’itegeko nshinga nk’uko tubikesha ibiro ntaramakuru bya Orinfor, Perezida wa Repubulika Paul Kagame yagize Gacinya Teddy umusenateri mu nteko ishinga amategeko umutwe wa senat,aho yaje asimbura Madamu Aloyisiya Inyumba wagizwe Minisitiri w’uburinganire n’umuryango.
Bikaba biteganyijwe ko uyu musenateri arahira uyu munsi mu muhango uri bubere mu nteko ishinga amategeko saa cyenda .Hakaba habura umwaka umwe ngo aba basenateri batorwa na Perezida barangiza mandate yabo.
Itangazo ryaturutse muri Perezidansi rikaba rikomeza rivuga ko Gasana Alfred yagizwe umuyobozi mukuru muri National Intelligence and Security service ariryo shami rishinzwe iperereza imbere mu gihugu.Tukaba twibutsa ko ushinzwe iperereza ryo hanze uherutse gushyirwaho na Perezida wa Repubulika ari Col.Dan Munyuza.
Dennis Nsengiyumva
Share
| < Prev | Next > |
|---|
